Tokante Epilepsia
Un atake epiléptiko/ djimpi ta un interupshon temporal di e komunikashon entre sélulanan nèrvioso (sélula di selebre). E interupshon òf storing aki por ta no-provoká òf provoká.
Kousa di Epilepsia No-Provoká
Tin atake(nan) epiléptiko/djimpi kousá pa algu “natural” ku a òf ta sosodé den e kurpa, manera algun problema ku e persona a nase kuné òf un imbalanse kímiko ku e persona tin.
- Faktornan genétiko
- Problema òf kondishon ku e persona a nase kuné
- Un desbalanse kímiko òf metabóliko
- Keintura/infekshon
- Problema neurológiko
- Alzheimer
Kousa di Epilepsia Provoká
Tin atake(nan) epiléptiko/djimpi ku ta konsiderá provoká: e ta kausá pa algu ku a sosodé ku e individuo. Por ehèmpel, un leshon na kabes a konsekuensia di un aksidente hopi bia ta kousa di atakenan provoká.
- Kualke daño/leshon durante nasementu
- Uso di alkohòl òf droga
- Leshon na kabes òf di selebre
- Malesa progresivo di selebre
- Atake di selebre (stroke)
- Tumor di selebre
- Remedi
Nota di interes: Den mas o ménos 50% di hende ku epilepsia e kousa di e epilepsia ta deskonosí.