Tokante Epilepsia
Remedi
Usa bo remedi na e kantidat indiká na e ora indiká pa dòkter i botika.
No stòp riba bo mes. Bula un dosis por tin konsekuensha serio i peligroso i por provoká un atake di djimpi.
Evitá kosnan ku ta provoká atake di Djimpi serka bo
Bo mester sa kua ta e sirkumstansianan i faktornan ku ta provoká atake di djimpi serka bo. Sinembargo tin 2 aspekto ku semper ta keda importante:
Manehá strès
- Hasi 30 minüt di ehersisio tur dia
- Atendé problemanan nobo di salú
- No tuma mas tarea òf tareanan nobo ku lo por forsa bo
- Mantené kontakto hustamente ku hendenan ku ta apoyá bo
- Si bo ta sinti ku kos ta bira muchu pa bo, konsultá un konsehero profeshonal
Sòru di drumi sufisiente
- Pone un tempu fiho pa bai drumi i pa lanta for di soño
- Preferibel drumi den un kamber sukú, ketu ku un temperatura agradabel
- Evitá òf limitá siesta, òf por hasi siesta mas tempran den traimèrdia
- Evitá konsumo di produktonan ku kafeina, evitá uso di alkohòl i sigaria i otro tabako, den oranan di bai drumi
Buska sosten
Kòmbersashon ku otronan tokante bo kondishon por tin efektonan positivo. Ku mas splikashon i konosementu, otronan por sinti nan mes miho prepará pa sostené bo den bo bida diario òf yuda bo ora di emergensia.
It should be possible for every person confronted with epilepsy to have in their hands all the necessary information to know how to manage their life with epilepsy.
Faktornan ku por provoká atake di djimpi
Esakinan ta varia di persona pa persona. Sòru pa bo ta altanto kiko ta provoká atake di djimpi serka abo. Aki ta sigui un lista ku algun di e faktornan:
- Faya di bebe remedi
- Emoshon i situashon di strès hopi fuerte
- Deshidratashon (pasó no ta bebe sufisiente líkido, paso ta malu p.e. habrimentu di barika, paso ta usa alkohòl)
- Falta di soño (drumi malu òf no drumi sufisiente) òf kansansio ekstremo
- Kambionan hormonal (siklo hormonal di hende muhé)
- Uso di alkohòl òf droga
- Lus briante òf lus ku ta sende paga
- Un ora spesífiko durante dia òf durante anochi
- Keintura haltu
- Kome malu òf nivelnan abou di suku den sanger
- Sierto kuminda, ekseso di kafeina òf otro alimento/produkto ku ta stimulá atake di djimpi
- Sierto remedinan