Kon yuda durante un atake

Keda trankil.

Wak kuantu tempu e atake ta dura
(sekònde, minüt).
Un atake ku ta dura mas largu ku 5
minüt mester di atenshon di un
dòkter.

Laga e atake hiba su kurso.
NO purba stòp e atake.

Kita kosnan duru òf skèrpi ku e persona por hasi su mes daño kuné.

Pone algu moli bou di su kabes.

Ku kuidou pone e persona drumi di
banda, ku kabes mandá un tiki patras
(stabiele zijligging) di manera ku si e
tin skupi òf sanger den su boka esaki
por kore sali pa e persona no pega.

Purba pa no tin aglomerashon di hende rondó di e persona. Keda huntu ku e persona te ora e atake a pasa.

• NO hinka nada den boka di e persona.
• NO duna rosea boka pa boka.
• NO spat awa den e persona su kara.
• NO duna e persona nada di bebe.

Tin sierto atakenan ku mester di atenshon di un
dòkter.

• Un atake ku ta dura mas largu ku 5 minüt.
• Ora e persona a risibí un leshon òf herida durante e atake.
• Si e persona ta hala rosea difísil.
• Si e persona haña vários atake tras di otro sin a bin
  bei.
• Si e atake tabata unu totalmente diferente for di lokual e persona sa haña normalmente.