Un nota personal
Komo un mayor ku su yu a ser diagnostiká ku epilepsia, un miembro di famia a ser diagnostiká òf bo mes tin epilepsia, bo ta konstantemente buskando un balansa entre e epilepsia, e atakenan epiléptiko i e kosnan ku tin ku sosodé diariamente.
- Balansa entre epilepsia i bo bida rutinario di tur dia;
- Balansa entre kore e riesgo i hopi biaha e bèrgwensa si haña un atake epiléptiko i asistí na eventonan públiko;
- Balansa entre keda bon na tinu i bebe remedi (nan) pa dominá atake (nan) epiléptiko.
- Balansa entre protehá i protehá di mas. Esaki mas tantu ainda pa mayornan ku tin yu püber.
Asina tin mas puntonan ku mi por menshoná.
Bida ku epilepsia ta pisa i mas pisá ta e karganan sikososial manera stigma, husgamentu, falta di informashon i komprenshon,deskriminashon i empatia.
Mi ta kontentu i gradesido ku mi tabatin Nani huntu ku mi. Kuidando Nani tabata un training balioso i eksperensia den komprondementu di hende i e realisashon kon pisá bida di un hende ku epilepsia por ta i tambe pa nan familiarnan mas serkano.
Huntu, abo i Stichting Epilepsie Curacao, nos por bringa pa un mehó kalidat di bida i un partisipashon kompleto pa personanan ku epilepsia den e komunidat di Kòrsou.
Sinseramente na bo òrdu,
Bruna Kwidama.